Transcription
1
Reçue à Grenoble, le 12 mars 1573.
2
Monseigneur, j’ay ce jourd’huy receu ung petit pacquet de lettres de
3
la court par lesquelles l’on me mande que le roy estant à St Leger
4
a deliberé aller passer à Annet allant à Chartres, mais l’on estime
5
encores que le rendez vous de messieurs du conseil soit audit Chartres
6
que sa majesté pourra demourer audit Annet ^ [^ les festes] ne me faisant aultre
7
mention des occurrances de della. Par aultres lettres receues
8
du cousté de Suisse, l’on m’asseure que toutes choses sont
9
quant à present en grand repoz au païs des Ligues s’estant depuys
10
naguères tenus une journée à Lucerne par les huict cantons
11
catholicques en laquelle monsieur Bellievre le conseiller au conseil
12
privé s’est trouvé. La levée debvoit partir pour commancer
13
achemyner en France hier IXe de ce mois. Me recommandant
14
très humblement à votre bonne grace, je prie à Dieu vous donner,
15
monseigneur, en parfaite santé, très longue et très heureuse
16
vye. Du Fayet, ce Xe de mars 1573.
17
Votre très humble et affectionné serviteur
18
Hector de Maniquet